GRAO EN ADMINISTRACIÓN E DIRECCIÓN DE EMPRESAS

O obxectivo central do título de grao en ADE inclúe unha tripla perspectiva: o estudo das organizacións, a  súa xestión e o entorno cambiante no que desenvolven as súas actividades, a formación de profesionais capaces de desempeñar tarefas de xestión, asesoramento e avaliación nas organizacións produtivas, e  a unión das competencias aprendidas e o desenvolvemento persoal para contribuír á sociedade, labores a desenvolver no ámbito global da organización ou en calquera das súas áreas funcionais: produción, recursos humanos, financiamento, comercialización, inversión, administración ou contabilidade.

CENTRO RESPONSABLE

FACULTADE DE CC. EMPRESARIAIS E TURISMO                             Tfno: 988 36 87 00

(Campus de Ourense)                                                                  e-mail: This email address is being protected from spam bots, you need Javascript enabled to view it

Campus Universitario As Lagoas s/n                                              Web: http://fcetou.uvigo.es

32004 Ourense

FACULTADE DE CC. ECONÓMICAS E EMPRESARIAIS                      Tfno: 986 81 24 00

(Campus de Vigo)                                                                        e-mail: This email address is being protected from spam bots, you need Javascript enabled to view it

Campus Universitario Lagoas - Marcosende                                   Web: http://fccee.uvigo.es

36200 Vigo

Táboa resumo das materias do plan de estudos (Vigo)

Táboa resumo das materias do plan de estudos (Ourense)

Descrición da titulación

Rama de coñecemento: Ciencias Sociais e Xurídicas

Duración mínima: 4 anos

Prazas: 120 (Ourense); 360 (Vigo)

Linguas empregadas: castelán e galego

ourense - guía docente da titulación (visualizar)

vigo - guía docente da titulación (visualizar)

Perfil de ingreso recomendado

Non se esixe formación específica previa para cursar esta titulación. En calquera caso, recoméndaselles o acceso a este grao aos estudantes interesados no campo da xestión de organizacións, tanto empresariais como de calquera outro tipo, e que posúan algúns dos seguintes trazos:

-Motivación e interese polo mundo da economía e a empresa.

-Iniciativa e espírito de liderado para crear e xestionar negocios xeradores de emprego.

-Dinamismo para enfrontarse a problemas e propoñer solucións.

-Capacidade para integrar e dirixir equipos humanos.

Prácticas externas

Son de carácter optativo e constitúen un máximo de 12 créditos ECTS que se poderán validar por créditos optativos. As prácticas poderán realizarse en empresas do noso entorno ou en países estranxeiros.

A Facultade de Ciencias Empresariais e Turismo de Ourense dispón de 117 convenios asinados. Pola súa banda, a Facultade de Ciencias Económicas e Empresariais de Vigo atópase entre os centros da Universidade que maior volume de prácticas xera.

Obxectivos

-Ter amplos coñecementos e comprender as distintas áreas das empresas e a súa xestión coñecendo as relacións entre elas, as súas funcións e importancia.

-Ter unha visión da empresa e a súa xestión influenciada por unha variedade de recursos educativos incluíndo aprendizaxe titorizada, traballo en equipo e estudo autónomo.

-Capacidade para desenvolver e aplicar as propias perspectivas aos estudos, xestionar a incerteza e a complexidade, explorar solucións alternativas, demostrar avaliación crítica e ser quen de integrar a teoría e a práctica nun amplo rango de situacións.

Traballo de Fin de Grao

A Facultade poderá ofertar Traballos de Fin de Grao para a súa realización en ambos semestres do cuarto curso Para realizalo, os estudantes deberán ter superados os 60 créditos de formación básica e os 132 de formación obrigatoria. Para realizalo poderase requirir, en certos casos, ter superada algunha asignatura optativa concreta. Fomentarase a posibilidade de que tanto a memoria como a defensa do traballo se realicen nalgunha lingua estranxeira.

Saídas profesionais

-Produción.

-Recursos humanos.

-Financiamento.

-Comercialización.

-Investimento.

-Administración.

-Contabilidade.

Mobilidade

A estrutura do plan de estudos, no que a optatividade se concentra no primeiro e segundo cuadrimestre do cuarto curso, fai prever que será nese momento cando se produza a mobilidade. Isto facilita que os estudantes poidan optar por unha temporalidade anual ou semestral, dependendo das súas circunstancias persoais.

A mobilidade de estudantes na Facultade de CC. Económicas e Empresariais articúlase en torno a cinco programas: o programa SICUE-Séneca (Sistema de Intercambio entre Centros Universitarios Españois), que ofrece 59 prazas repartidas entre 17 universidades; o programa LLP-Erasmus, con 93 prazas repartidas en 47 universidades; o programa ISEP, que ofrece prazas de intercambio en 130 universidades americanas; as bolsas de intercambio propias, que ofrecen prazas en 40 universidades estranxeiras, principalmente de América Latina; e, finalmente, o programa AFECA, un programa intensivo de Contabilidade e Auditoría no que se realizan casos prácticos.

Trátase dun documento elaborado pola Universidade no que figura o plan de estudos autorizado por acordo do Consello de Ministros de 29 de agosto de 2008 (publicado no B.O.E. de 26 de setembro de 2008).

Na memoria inclúese a seguinte información: obxectivos da titulación, criterios de admisión de estudantes, planificación das ensinanzas, recursos dispoñibles, calendario de implantación, etc.