Universidade de Vigo

GAL •ES • EN • FR • DE

I Congreso Internacional

'Tradución e Política Editorial da Literatura Infantil e Xuvenil en Galicia'

Este evento de carácter internacional quere reunir a todos aqueles axentes que conflúen no proceso e no produto de tradución da literatura infantil e xuvenil: críticas/os, docentes, editoras/es, escritoras/es, ilustradoras/es, investigadoras/es, lectoras/es, libreiras/os e tradutoras/es.

A estrutura do Congreso responde basicamente a tres módulos coa(s) súa(s) correspondente(s) conferencias seguidas dunha mesa de traballo na que estes axentes interveñen.

As liñas temáticas de interese para o Congreso son:

1. Política editorial e tradución;

2. Criterios para traducir textos literarios infantís e xuvenís;

3. Tradución e creación de LIX.

Estes tres trazos definen o criterio que o Comité Organizador aplicará para a aceptación das propostas de comunicación recibidas.

Ben é certo que o contexto no que se insire este Congreso é Galicia e o galego; non obstante, tanto as diferentes intervencións das e dos conferenciantes invitadas/os coma o criterio do Comité para as comunicacións promove as achegas referidas a calquera lingua moderna.

As linguas do congreso son alemán, catalán, éuskaro, español, francés, galego, inglés e portugués. A Organización prevé que haxa servizo de interpretación cara ao español e galego.

Esperamos poder vervos a todas e a todos en Vigo nestas datas.

Recibide un cordial saúdo do Comité Organizador,

Anxo Fernández Ocampo, Sabela González, Alicia López Pedreira, Ana Luna, Silvia Montero Küpper e Liliana Valado.

IMPORTANTE: Validable por un crédito de libre elección (30 horas).