Salustiano Mato de la Iglesia
Doutor en Bioloxía pola Universidade de Santiago
en 1986, é dende o ano 2000 catedrático de
Zooloxía do Departamento
de Ecoloxía e Bioloxía Animal da 
Universidade de Vigo,
institución da que foi Vicerreitor de
Investigación dende
maio de 1998 deica agosto de 2005. Desenvolveu a súa
carreira
investigadora no campo da bioloxía e faunística
de
miñocas de Galicia, participando en diversos proxectos de
inventario e catalogación de invertebrados terrestres e
publicando diferentes traballos en revistas científicas de
prestixio internacional. No ano 1987 foi investigador postdoctoral nas
universidades estadounidenses de Rutgers e Cornell,
participando no desenvolvemento dos sistemas de compostaxe que
alí se estaban a deseñar. Tra-lo seu retorno a
Galicia,
iniciou unha nova liña de investigación baseada
no
deseño de sistemas de compostaxe nos que primara un
correcto desenvolvemento do proceso biolóxico fronte a
criterios
únicamente tecnolóxicos. Froito deste traballo
xordiron
diversas publicacións científicas e
técnicas, e
dúas patentes de invención. A finais de agosto de
2005,
Salustiano Mato foi elexido Director
Xeral de I+D+i da Xunta
de
Galicia, cargo que ostentou deica maio de 2009.