Glosario de termos da Internet (galego-inglés-castelán-portugués): Letra A

Universidade de Vigo

GLOSARIO DE TERMOS DA INTERNET

(galego-inglés-castelán-portugués)

Introducción

Estructura

Índices por linguas

Bibliografía

Autora

(GL) acceder (v)
Conectarse ó servidor da rede tras introduci-la identificación e clave de acceso
(EN) login
(ES) acceder
(PT) ligar-se

(GL) administrador, -a (s)
Persoa responsable polos aspectos técnicos dunha rolda
(EN) administrator
(ES) administrador
(PT) administrador
Obs.: Distíngase de «moderador». Véxase tamén «administrador de correo» e «administrador (de sitio) web».

(GL) administrador(a) de correo (s)
Persoa responsable do correo electrónico dun servidor ou dominio
(EN) postmaster
(ES) administrador de correo, postmáster, jefe de Correos
(PT) postmaster

(GL) administrador(a) (de sitio) web (s)
Encargado/a técnico/a dun sitio web
(EN) webmaster
(ES) administrador (de sitio) web, webmáster
(PT) webmaster

(GL) ADSL (liña dixital asimétrica de abonado) (f)
Tecnoloxía de transmisión que permite ós fíos telefónicos de cobre convencionais transportaren ata 16 Mbps mediante técnicas de compresión e en que a transmisión desde o servidor ó cliente é máis rápida cá transmisión desde o cliente ó servidor
(EN) ADSL (sigla de «Asymmetrical Digital Subscriber Line»)
(ES) ADSL (Línea Digital Asimétrica de Abonado)
(PT) ADSL (Linha Digital Assimétrica de Assinante)

(GL) alcume (m)
Nome que calquera persoa pode adoptar na Internet para asegura-lo anonimato
(EN) alias, nickname
(ES) alias, seudónimo
(PT) alcunha, aliás
Sin.: pseudónimo (m), alias (m)

(GL) aldea global (f)
Visión futurista da comunidade mundial coma unha cidade creada con comunicacións electrónicas de alto nivel
(EN) Global Village
(ES) aldea global
(PT) aldeia global

(GL) aloxamento (m)
Feito de albergar un sitio web nun servidor das dependencias dunha empresa, que normalmente realiza o mantemento e lle dá conexión á rede, sen compartilo con outros sitios web
(EN) housing
(ES) alojamiento
(PT) alojamento
Obs.: Distíngase de «hospedaxe»

(GL) áncora (f)
Marca que se insere nunha páxina web de tal xeito que, ó coloca-lo punteiro sobre ela, esta se refire a un enderezo determinado
(EN) anchor
(ES) ancla
(PT) âncora

(GL) anexar (v)
Engadir un ficheiro a unha mensaxe de correo electrónico
(EN) attach
(ES) adjuntar
(PT) anexar
Sin.: axuntar (v), achegar (v), apegar (v)

(GL) ANSI (Instituto Estadounidense de Normalización) (m)
1. Organización afiliada á ISO que é a principal organización estadounidense involucrada na definición de normas técnicas estándar
2. Conxunto de normas para a transferencia de caracteres de control usado en terminais ou emuladores de terminais
(EN) ANSI (sigla de «American National Standards Institute»)
(ES) ANSI (Instituto Estadounidense de Normalización)
(PT) ANSI (Instituto Americano de Normalização)

(GL) aplique (m)
Pequeno programa escrito en Java que ten como obxectivo executarse no sistema cliente en calquera sistema operativo coa axuda do navegador
(EN) applet
(ES) apli, aplique, subprograma
(PT) applet, aplicaçãozinha
Sin.: miniaplicación (f)

(GL) arañeira (mundial) (f)
Sistema de información hipertexto que permite a obtención rápida e fácil de información e foi creado por investigadores do CERN en Suíza
(EN) Web, WWW (sigla de «World Wide Web»)
(ES) maraña mundial, telaraña mundial, (multi) malla mundial
(PT) [Port] Web; [Br] Teia, Web

(GL) archie (f)
Aplicación da Internet que ten como obxectivo encontrar, agrupar e indexar información nos FTP anónimos
(EN) archie
(ES) archie
(PT) archie

(GL) ARP (protocolo de resolución de enderezos) (m)
Protocolo usado para sabe-lo enderezo da lizagón correspondente ó enderezo IP
(EN) ARP (sigla de «Address Resolution Protocol»)
(ES) ARP (Protocolo de Resolución de Direcciones)
(PT) ARP (Protocolo de Resolução de Endereços)

(GL) Arpanet (Rede da axencia de proxectos de investigación avanzada) (f)
Rede pioneira de longa distancia financiada por ARPA (antiga DARPA) que tiña como obxectivo específico investiga-la utilidade da comunicación de datos en alta velocidade para fins militares
(EN) Arpanet (sigla de «Advanced Research Projects Agency Network»)
(ES) Arpanet (Red de la Agencia de Proyectos de Investigación Avanzada)
(PT) [Port] Arpanet (Rede da Agência de Projectos de Investigação Avançada); [Br] Arpanet (Rede da Agência de Projetos de Investigação Avançada)

(GL) arroba (f)
Símbolo (código ASCII nº Ctrl+Alt+2) que se usa para separa-lo nome do/a usuario/a do dominio nos enderezos de correo electrónico
(EN) @ [pronunciado «at»]
(ES) arroba, ensaimada [forma coloquial no Leste de España e illas]
(PT) arroba
Obs.: Úsase tamén cada vez máis na linguaxe escrita politicamente correcta como abreviatura de «o/a» cando se quere escribir sen facer referencia ó xénero dunha persoa

(GL) artigo (m)
Contribución feita a un grupo de noticias da Usenet
(EN) article
(ES) artículo, mensaje
(PT) artigo, mensagem
Sin.: mensaxe (f)

(GL) ASCII (Estándar estadounidense de codificación para o intercambio de información) (m)
Conxunto de normas de codificación de caracteres alfanuméricos mediante díxitos binarios
(EN) ASCII (sigla de «American Standard Code for Information Interchange»)
(ES) ASCII (Estándar Americano de Codificación para el Intercambio de Información)
(PT) ASCII (Código Normalizado Americano para o Intercâmbio de Informações)

(GL) asexo (m)
Acto de estar subscrito a unha rolda e le-las súas mensaxes sen enviar ningunha contribución
(EN) lurk
(ES) mironeo
(PT) lurk

(GL) atallo (m)
Icona do escritorio de Windows que permite executar un programa ou ficheiro
(EN) shortcut
(ES) acceso directo
(PT) atalho

(GL) ataque (m)
Comentario crítico, malhumorado ou insultante que se envía a unha rolda ou grupo de noticias
(EN) flame
(ES) ataque, insulto destructivo, flameo
(PT) ataque

(GL) AUP (política de uso aceptable) (f)
Normas de boa conducta que establecen o uso correcto da rede e dos seus servicios
(EN) AUP (sigla de «Acceptable Use Policy»)
(ES) AUP (Política de Uso Aceptable)
(PT) AUP (Política de Utilização Aceitável)
Obs.: Véxase «etiqueta da rede»

(GL) autenticación (f)
Procedemento que se usa para comproba-la identidade da orixe dunha mensaxe, persoa ou proceso para acceder a un recurso ou poder realizar unha actividade determinada e evitar fraudes
(EN) authentication
(ES) autenticación
(PT) autenticação

(GL) autoestrada da información (f)
Denominación que recibe a Internet especialmente nos medios de comunicación, por ser unha rede capaz de pór enormes cantidades de información ó alcance dos/das usuarios/as
(EN) information highway
(ES) autopista de la información
(PT) auto-estrada da informação

(GL) axenda de enderezos (f)
Ficheiro do programa de correo onde se almacena o enderezo e nome dos/das destinatarios/as de correo para posteriormente acceder fácil e rapidamente a eses datos
(EN) address book
(ES) libreta de direcciones
(PT) livro de endereços
Sin.: libro de enderezos (m)

(GL) axente (m)
Programa que executa buscas na Internet e recompila a información
(EN) agent
(ES) agente
(PT) agente

(GL) axente do usuario (m)
Programa cliente que inicia unha demanda a un servidor de rede
(EN) user agent
(ES) agente de usuario
(PT) [Port] agente do utilizador; [Br] agente do usuário