"Máis alá de Google. Como buscar e xestionar información para un traballo académico"

Curso virtual (Faitic) organizado pola Biblioteca Universitaria de Vigo, con recoñecemento de 2 créditos de libre elección e 1 crédito ECTS.
A duración do curso é dunhas 30 horas, distribuídas en 5 semanas.

O curso vai dirixido, especialmente, ao alumnado dos últimos cursos, xa que proporcionará aos estudantes as competencias informacionais básicas no acceso, uso e xestión da información, permitíndolle:

• Ser autónomo na busca de información para a realización de traballos.
• Coñecer e usar un maior número de recursos de información fiables e pertinentes.
• Desenvolver a capacidade de crítica e análise fronte a sobreabundancia de información.
• Mellorar a súa capacidade de xestión e organización da información recuperada.
• Facer un uso ético e legal da información, evitando o plaxio nos traballos académicos.

Contidos que se tratan:

1. A información
2. Como buscar información
3. Recursos de información na Biblioteca:
   • Catálogo
   • Bases de datos
   • Metabuscador (Pórtico)
   • Revistas electrónicas / SFX
   • Libros electrónicos
4. Outros recursos en internet:
   • Dialnet
   • Acceso aberto á información científica
   • Buscadores científicos
5. Avaliar a información e as súas fontes
6. Como manterse actualizado: alertas e RSS
7. Usar e comunicar a información:
   • Uso ético e legal da información
   • Citas e referencias bibliográficas
   • Xestores bibliográficos
8. Web social

A primeira edición desenvolverase entre o 23 de xaneiro e o 24 de febreiro de 2012 (completa), e unha nova edición terá lugar do 9 abril-11 de maio de 2012.