Un dos principais puntos fortes do MXDS e que nos diferencia no mercado é a calidade dos nosos docentes. O cadro de profesorado deste Máster está formado por máis de 40 especialistas en diversos aspectos do desenvolvemento sostible. Un 40% deles son académicos de recoñecido prestixio na materia, que proveñen tanto da Universidade de Vigo como doutras universidades españolas. O 60% restante son reputados profesionais da empresa privada, membros da administración pública e de diversas organizacións relacionadas co desenvolvemento sostible. Estes profesionais non só imparten conferencias senón tamén materias completas nas que ensinan como se leva a cabo a xestión do desenvolvemento sostible na práctica.