A partir do ano 2003, como medida correctora para diminuir o impacto do vial de circunvalación sobre a poboación de sapo común, a OMA optou pola instalación de trampas temporais para a captura dos individuos adultos durante a migración reproductora cara á lagoa da FFT. As trampas consisten nunha malla lixeira de plástico (tipo malla de sombreo) dunhas cantas deceas de metros, que se dispón paralelamente ó vial procurando interceptar as rutas que concentran a migración dos sapos. A malla ten unha altura duns 30 cm, está fixada o solo mediante terrra e mantense erguida mediante varillas de aceiro instaladas cada metro e medio. O longo da mesma, cada 6-8 m colócanse uns cubos enterrados a ras do chan e no seu interior unhas pedras que servirán de refuxio os sapos que poidan caer.

O toparse ca barreira formada pola malla os sapos tenden a desplazarse pola mesma e, deste xeito, caen nos cubos. Mentres permanecen instaladas, as trampas revísanse todos os días a primeira hora da mañá, xa que en esta especie a migración reproductora e fundamentalmente nocturna. Finalmente os sapos capturados son trasladados polos biólogos da OMA ata a lagoa, para que podan realizar a posta. Ademais, na época de dispersión dos xuvenís, estes recóllense manualmente na lagoa e sóltanse na outra beira do vial.

En xaneiro de 2007 a OMA instalou novamente as trampas para evitar o atropelo de sapos na circunvalación do campus. Este ano colocáronse 16 cubos repartidos ó longo de 3 barreiras, cun total de 190 m de lonxitude.