• GRUPO DE RECICLAXE INFORMÁTICO

    GRUVI é o proxecto de voluntariado da UVIGO que recupera equipos informáticos para doalos con software libre a entidades sociais sen ánimo de lucro da contorna (asociacións, fundacións, ONGs, etc.). É unha iniciativa coordinada pola OSIX (Oficina de Servizos Integrados á Xuventude) dependente da Vicerreitoría de Extensión Cultural e Estudantes.

  • SOLICITA MATERIAL

    As convocatorias de doazón de material informático reciclado teñen por obxecto fornecer este tipo de material a asociacións e outras entidades sen ánimo de lucro que o precisen. Este material provén da recuperación dos recursos avariados, obsoletos ou en desuso da UVIGO. Para solicitalo, débese presentar a documentación requirida nas convocatorias públicas, antes da data límite, e conforme ás bases de cada campaña. As solicitudes deberán presentarse nalgún dos rexistros da UVIGO ou polos medios telemáticos que se dispoñan.

  • Estamos na Rede

    Queres reciclar o teu computador nun punto limpo? Tes interese no plano social da informática?
    Queres saber en que estamos a traballar? Ou simplemente queres saber que é o que facemos?

    Estamos na rede a través do Facebook e Google+

 

Utilidade do Gruvi

Este proxecto xorde como resposta á acumulación de residuos informáticos, aproveitables na maioría dos casos, da nosa Universidade. Botar no lixo os computadores e outros compoñentes, á parte de supoñer un grave problema ecolóxico, é tamén unha forma de colaborar coa inxustiza social, xa que moitos colectivos están ás portas de perder o «tren tecnolóxico» e vense afastados da sociedade da información.

ler máis

Requisitos

Poderán solicitar equipamento informático recuperado na UVIGO as entidades sociais que reúnan determinados requisitos (p. ex. carecer de ánimo de lucro, ter sede na área de influencia da UVIGO (Vigo, Ourense e Pontevedra), adicar a súa actividade a fins de carácter social, estar rexistrados como asociación, etc.). As convocatorias para a solicitude de material serán públicas e daráselles difusión polos medios habituais.

ler máis

O Gruvi na Rede

Estamos en Facebook e Google+. Temos unha comunidade para que poidas estar en contacto cos voluntarios que traballamos no Gruvi e informarte do que estamos a facer, dos problemas que temos cos equipos e o xeito en que os resolvemos.

Non esquezas facernos unha visita!