Desde a Cátedra Bancaja Xoves Emprendedores-Universidade de Vigo perseguimos o obxectivo de fomentar o espírito e a vocación emprendedora na nosa Universidade, apoiando novos proxectos empresariais e colaborando na formación de futuros emprendedores e emprendedoras mediante distintos programas educativos, culturais e de extensión universitaria.

Pretendemos favorecer o dinamismo e a diversidade, por iso organizamos diferentes actividades relacionadas directamente co emprendemento e a súa investigación, foros, cursos e concursos que contribúan ao coñecemento en profundidade deste tema.

Estades todas e todos convidados a participar deste proxecto e a formar parte da ilusión e dedicación depositadas nel.