A Cátedra Bancaja Xoves Emprendedor@s-Universidade de Vigo faise realidade o 16 de xuño de 2008, momento no cal a Fundación Bancaja decide unir os seus esforzos xunto cos da Universidade de Vigo para levar a cabo este proxecto en común.

Desde esta Cátedra, perseguiremos o obxectivo de fomentar o espírito e a vocación emprendedora na nosa Universidade, apoiando novos proxectos empresariais e colaborando na formación de futuros emprendedores e emprendedoras mediante distintos programas educativos, culturais e de extensión universitaria.

De igual maneira, é o noso propósito promover e potenciar a actividade investigadora no campo do emprendedorismo e a creación de empresas, mediante o apoio a proxectos de investigación ou á realización de teses doutorais desde as distintas áreas de coñecemento implicadas neste campo de estudo.

Estades todas e todos convidados a participar deste proxecto e a formar parte da ilusión e dedicación depositadas nel.

Cátedra Bancaja Xoves Emprendedor@s Universidade de Vigo