HISTORIA

O Comité Universitario do Campus de Ourense (CUCO) nace o 23 de abril do ano 2009, por iniciativa dun grupo de estudantes da Facultade de Dereito do Campus de Ourense. Estes alumnos compartían un vínculo común que eran as ganas de traballar e de levar a cabo actividades destinadas ao resto do estudantado do Campus ourensán. Ademáis uníase outra vontade que era a de ser a voz e representar aos alumnos, facendo que se respeten os seus dereitos e buscando mellorar as súas condicións na Universidade de Vigo.

Tras diversas reunións e preparativos, elaboráronse os Estatutos de C.U.C.O., aprobados o 23 de abril de 2009, data na que se firma a acta fundacional da que resulta elixida provisionalmente a seguinte Xunta Directiva: PRESIDENTE  D. Jonathan Domínguez Rodríguez, VICEPRESIDENTA  Dna. María Álvarez Alvar, TESOUREIRA  Dna. Iris González Requejo e SECRETARIO D. Brais Muñiz Babarro.

O 14 de maio dese mesmo ano celébrase a primeira reunión oficial da Asociación CUCO, na que resultan elixidos, dacordo cos Estatutos e por un período de 2 anos, os membros da Xunta Directiva provisional, ratificados por unanimidade.

O seguinte paso foi a inscrición no Rexistro Provincial de Asociacións de Ourense, inscrición feita o 24 de abril de 2009, co número 2009-12980-1. Tamén se formaliza a situación na Facenda Estatal coa solicitude do CIF, outorgado o 29 do mesmo mes. Posteriormente fíxose a inscrición no Rexistro de Asociacións da Universidade de Vigo, que data do 31 de xullo do 2009; número de rexistro 104.

Con tódolos trámites feitos comeza a creación da nova "imaxe" do Comité Universitario, elabóranse os logotipos, fomularios, modelos de actas e todos os documentos oficias que se utilizarán. Solicítase tamén, ao entón equipo decanal, un espazo dentro da Facultade de Dereito para poder desenrolar as nosas actividades, concedéndosenos un despacho no 3º andar do devandito edificio (despacho 23).

Co inicio do curso 2009/2010 aparecen novos socios, tanto da Facultade de Dereito como da Facultade de Turismo, cos cales se impulsa a creación dunha publicación de carácter informativo/divulgativo en papel. A partir desta idea orixinal comézase a traballar no que se converterá na revista "Gassetia, a Gaceta de CUCO". O tempo adicado a facer posible esta gaceta foi moi grande, así coma o esforzo por parte dos socios, e finalmente todo iso cualla o 13 de outubro de 2009 cando sae á luz o primeiro número de Gassetia, cunha tirada de 175 exemplares repartidos polos edificios xurídico- empresarial, politécnico, de facultades e de física; ademáis de repartilo por locales dos arredores e distintas personalidades do Campus de Ourense.

A publicación segue unha periodicidade mensual e contén artigos e reportaxes de actualidade,entrevistas, novas que non se contan nos mass media e unha axenda cultural coa oferta da cidade de Ourense. No segundo número, xa son numerosas as persoas que colaboran escribindo para a Gaceta e moitas as entidades privadas, entre elas a Vicerreitoría do Campus, as que patrocinan con medios económicos o custo dunha revista que no segundo número xa alcanza a tirada dos 200 exemplares e máis páxinas cheas de contidos.