Concentración de protesta 16 de Decembro
A Asociación de Investigadores Parga Pondal súmase á concentración de protesta contra a política en materia de I+D+i da Xunta de Galicia o vindeiro 16 de Decembro. O escrito de chamamento á concentración é o seguinte:
A investigación en Galicia, D.E.P.
Fai que isto non sexa unha realidade!
Dende a asociación de investigadores, técnicos e tecnólogos Precarios-Galicia; a Federación de Jóvenes Investigadores (FJI/Precarios), e a Asociación de Investigadores Parga Pondal criticamos duramente a política en materia de I+D+i do goberno de Feijóo, e pedimos ó colectivo investigador galego e á sociedade no seu conxunto que participe e apoie esta protesta.
Implícate, é o momento de facerse oír!!
Descarga o cartaz e dálle a máxima difusión no teu centro.
